قالب مكتوب للمشروع
بدل قالب عام + بيلدر، منبني قالب خفيف مخصص للمتجر نفسه. CSS وJS اللي بتحتاجه بس.
خدمة — WooCommerce
تطوير وتصميم متاجر WooCommerce عربية وعبرية
ووكومرس بيعطيك تحكم كامل. المشكلة إنه أغلب المتاجر بتتبني بقالب جاهز وعشرين إضافة فوق بعض، وبعد شهور بيصير المتجر بطيء وصعب التعديل. إحنا منشتغل بالاتجاه الثاني.
وين بتصير المشكلة بمتاجر ووكومرس
ووكومرس بحد ذاته مش بطيء. اللي بيصير غالبًا إن المتجر بينبنى بطبقات: قالب متعدد الاستخدامات، بيلدر صفحات، إضافة للسلايدر، إضافة للـCheckout، إضافة للشحن، وإضافة تانية لتسريع كل هدول.
النتيجة متجر بيحمّل مئات الكيلوبايتات من CSS وJS ما بيستعملها، وكل تعديل بسيط بيصير مخاطرة.
قوالب متعددة الاستخدامات
بتجيب معها كود لعشرين نوع موقع، وانت بتستعمل نوع واحد.
بيلدرات الصفحات
بتسهّل البداية وبتصعّب الصيانة والسرعة لاحقًا.
تكديس الإضافات
كل إضافة نقطة تعارض وتحديث وثغرة محتملة.
Checkout ما حدا لمسه
الافتراضي بووكومرس مش مبني للسوق العربي ولا للدفع عند الاستلام.
شو منعمل بشكل مختلف
تعديل صفحة المنتج والـCheckout
عبر hooks وtemplate overrides — مش بإضافات فوق بعض.
RTL حقيقي
مبني عربي من الأساس: الاتجاه، الخط، الأرقام، رسائل الأخطاء والنماذج.
دفع وشحن محلي
دفع عند الاستلام، مناطق شحن وأسعار حسب المنطقة، وربط بوابات الدفع المتاحة بالسوق.
أداء
صور محسّنة، تحميل مؤجل، أصول أقل، وقياس فعلي — مش سكور Lighthouse بس.
تتبع صحيح
أحداث ووكومرس مربوطة بـMeta Pixel وGA4 حتى تكون بيانات الإعلان قابلة للاستعمال.
شغل ووكومرس منعمله
بناء متجر ووكومرس جديد من الصفر
قالب مخصص، بنية منتجات، ودفع وشحن مضبوطين.
تحويل متجر موجود لقالب أخف
لما يكون المتجر شغّال بس تقيل وصعب التعديل.
تخصيص صفحة المنتج
خيارات، متغيرات، صور، وعناصر ثقة بمكانها الصح.
تعديل Checkout
تقصير الخطوات، تقليل الحقول، وحقول مخصصة للسوق المحلي.
استيراد المنتجات بالجملة
ملفات CSV منظمة مع الصور والتصنيفات والمتغيرات.
ربط لغات إضافية
عربي/عبري بنفس المتجر مع روابط منفصلة لكل لغة.
متاجر ووكومرس نفّذناها
بيت الملكة | Home Queen
متجر إلكتروني
متجر ملابس نسائية داخلية وبيجامات ولانجيري بتصميم أنثوي فخم، عربي كامل RTL مع دفع عند الاستلام وواتساب مباشر.
غزل ستور | Ghazal Store
متجر إلكتروني
متجر إكسسوارات ومنتلزمات عامة — شنط، كلاتشات، أحزمة، نظارات وساعات، مع أقسام وماركات وعروض حتى 50% ودفع عند الاستلام.
أسئلة شائعة
WooCommerce أحسن من سلة أو شوبيفاي؟
مش "أحسن" بشكل مطلق — مختلف. ووكومرس بيعطيك ملكية كاملة، بدون عمولة على الطلبات، وتحكم مفتوح بصفحة المنتج والـCheckout، مقابل إنك بتتحمل الاستضافة والصيانة. المنصات الجاهزة بتحل الاستضافة والصيانة مقابل حدود بالتخصيص وعمولة أو اشتراك. إذا وضعك بيناسب منصة جاهزة أكثر، منقلك.
متجري بطيء — بتقدروا تصلحوه؟
غالبًا نعم، بس الحل بيعتمد على السبب. أحيانًا المشكلة بالصور والاستضافة وبتنحل بسرعة، وأحيانًا المشكلة بالقالب نفسه وبتحتاج إعادة بناء للواجهة. منفحص أول ومنقلك أي الحالتين قبل ما تلتزم بشي.
بتشتغلوا على متجر بناه حدا تاني؟
نعم، بشرط نقدر نوصل للكود والإدارة. منراجع الوضع الحالي ومنحدد شو بينحسّن بمكانه وشو بيحتاج إعادة بناء.
بتستعملوا Elementor أو بيلدر؟
بشكل عام لا للمتاجر اللي منبنيها. بنكتب قالب خفيف مخصص، لأن هيك بنضمن سرعة أعلى وتحكم أدق بصفحة المنتج والـCheckout.
بتربطوا الدفع عند الاستلام؟
نعم، وهو غالبًا الخيار الأساسي بالسوق المحلي. منربط كمان بوابات الدفع الإلكتروني المتاحة حسب البلد وحالة النشاط التجاري.
عندك متجر ووكومرس أو ناوي تبني واحد؟
ابعتلنا الرابط أو فكرة المشروع، ومنعطيك رأي واضح: شو بينحسّن، وشو بيحتاج إعادة بناء.